Project cyffrous wedi ei leoli yn Llyfrgell Genedlaethol Cymru yw Maes y Gad i Les y Wlad (MYGLYW) ac mae’n cyflwyno bywyd yng Nghymru rhwng 1939 a 1959. Amlygir agweddau o fywyd pob dydd a bywyd ar faes y gad yn y cyfnod mewn 3 thema: 

 

• Hamdden a thechnoleg newydd: effeithiau’r dogni bwyd yn ystod ac wedi’r Ail Ryfel Byd, y cynnydd mewn nwyddau traul a’r mynediad i weithgareddau hamdden
• Gwaith a Chyflogaeth: effaith yr Ail Ryfel Byd ar fywyd gwaith a’r newidiadau yn yr economi wledig ar ôl y Rhyfel
• Cymdeithas a Gwleidyddiaeth: hunaniaeth genedlaethol ac ymrwymiad weithredol i’r gymuned ar ôl y Rhyfel.

Cyflwynir pedair prif elfen o broject MYGLYW ar y wefan hon:

• Straeon digidol
  
• Delweddu Casgliad Ffotograffau Geoff Charles
  
• Oriel Enwogion sy’n arddangos bywydau a gorchestion mawrion Cymru rhwng 1939 a 1959
  
• Gweithgareddau ac adnoddau ategol megis cynadleddau chweched ddosbarth, gweithdai creu straeon digidol a phecynnau addysgiadol ar y 3 thema uchod at ddefnydd athrawon ysgol.

Bydd mwy o wybodaeth ac adnoddau addysgiadol yn cael eu cynnwys ar y wefan yn y misoedd nesaf. Yn y cyfamser os ydych am fanylion pellach ar MYGLYW, cysylltwch â ni.

 

Mae’r wefan hon yn y broses o gael ei hadeiladu.