Cafodd myfyrwyr Safon Uwch o bob rhan o Gymru gyfle i ddysgu mwy am y cyfnod rhwng 1939 ac 1959 mewn cynadleddau yn Llyfrgell Genedlaethol Cymru. Roedd y cyflwyniadau yn cynnwys hanesion byw teuluoedd gafodd eu heffeithio gan yr holocost, darlithoedd gan haneswyr blaenllaw, a chyflwyniadau gan arbenigwyr hanes Safon Uwch.

Mae cynllun Maes y gad i Les y Wlad hefyd wedi cynhyrchu adnoddau am ddim i ysgolion. Mae’r rhain yn cynnwys pecynnau y gellir eu llwytho o'r wefan hon; ymarferion rhyngweithiol sy’n edrych ar fywydau plant yn ystod y rhyfel, bywydau menywod yn ystod y rhyfel, a’r Ffrynt Cartref a Dogni; llyfr o ffotograffau Geoff Charles gyda thestun a dehongliad; a DVD sy’n cynnwys straeon digidol.