Llun o swynwr nadroedd yn India, 1940au
Cyfeirnod yr eitem : cny03694

Disgrifiad

Dechreuodd profiadau Ail Ryfel Byd Jim Hutchings yn West Kirby, Lerpwl, ble'r aeth ar fwrdd llong filwyr yr 'Empress of Russia'. Ar ôl pump wythnos ar y môr hwyliasant i Freetown, Sierra Leone ac, yna, ymlaen i Dref y Penrhyn ac, yn y diwedd, Durban. Prynodd gamera Voigtlander am ddeg swllt - bargen, gan fod y siopwr yn ei chael hi'n anodd i werthu nwyddau a wnaed yn yr Almaen. O hynny ymlaen cymerodd Jim ffotograffau ble bynnag yr âi. O Dde Affrica, hwyliodd Jim i India ar fwrdd y Mooltan, cludwr milwyr gyda bynciau o bump wedi eu pentyrru ar ben ei gilydd. Fel peirianwyr, treuliodd ef a'i uned beth amser yn adfer cerbydau ac awyrennau oedd wedi eu bomio neu wedi torri i lawr. Byddent yn tynnu pob darn defnyddiol ohonynt, gan ei fod yn amhosib cael gafael ar ddarnau sbâr. Dychwelodd Jim gartref o'r diwedd ym 1946.

Delweddau perthnasol